Túrkistan oblysynda búgin 19 mektep ashyldy

TÚRKІSTAN. QazAqparat – Búgin Túrkistan oblysynda jańadan salynǵan 19 bilim oshaǵy oqýshylardy qabyldady, dep habarlaıdy QazAqparat tilshisi.

Atap aıtsaq Saýran, Saryaǵash, Ordabasy men Túlkibasta jáne Arys qalasynda 5 memlekettik mektep ashyldy. Sondaı-aq, óńirde 14 jekemenshik mektep óz jumysyn bastady.

Túrkistan oblysynyń bilim basqarmasyna qarasty 21 mekemege kúrdeli jóndeý jumystary júrgizildi. Al, 240 pán kabınetiniń jabdyqtaryn alýǵa 3,1 mlrd teńge bólinip otyr.

Túrkistan oblysynda jalpy myńnan astam mektepte 514 myńnan astam oqýshy bilim alady. Onyń 907-si memlekettik bolsa, qalǵany – jekemenshik. Bilim berý ınfraqurylymyn damytý maqsatynda oblysta 2023-2025 jyldar aralyǵynda 96 mektep salynsa, jyl sońyna deıin sonyń 37-sin paıdalanýǵa berý josparlanǵan. Onyń 63-i «Jaıly mektep» ulttyq jobasy boıynsha aıasynda boı kótermek.

Aıta keteıik, búgin Túrkistan oblysyndaǵy 1000-nan astam mektepke 51 621 oqýshy birinshi synypqa bardy.