Túrkistan oblysynda brakonerlerden 67 keli balyq tárkilendi

TÚRKІSTAN. QazAqparat - Túrkistan oblysynda brakonerlerden 67 keli balyq tárkilendi, dep habarlaıdy QazAqparat tilshisi.

Shardara sý qoımasynda zańsyz balyq aýlaǵan eki brakoner ustaldy. Kúdiktilerden rezeńke qaıyq, balyq aýlaý quraldary jáne zańsyz aýlanǵan 67 keli túrli balyq tárkilendi.

«Túnde júrgizilgen reıdtik is-sharalar kezinde Shardara aýdandyq polıtsııa bóliminiń tabıǵat qorǵaý polıtsııasynyń qyzmetkerleri men sý resýrstaryn qorǵaý jónindegi ınspektorlary birlesip brakonerlerdi ustady. Atalǵan jaıt QR QK-niń 335-baby (Balyq resýrstaryn, basqa da sý janýarlaryn nemese ósimdikterin zańsyz óndirý) boıynsha tirkeldi. Qazirgi ýaqytta sotqa deıingi tergeý amaldary júrgizilýde. Polıtseıler oqıǵanyń mán-jaıyn anyqtaýda» - delingen Túrkistan oblysy polıtsııa departamentiniń baspasóz qyzmeti taratqan aqparatta.