Túrkistan oblysynda bıyldyqqa úshinshi úshem dúnıege keldi

TÚRKІSTAN. QazAqparat- Túrkistan oblysynda jyl basynan beri úshinshi úshem dúnıege keldi, dep habarlaıdy QazAqparat tilshisi.

Tólebı aýdany Leńgir qalasynyń 36 jastaǵy turǵyny Aqbota Qudaıbergenova eki qyz, bir ul bosandy.

Jańa týǵan nárestelerge Aqjúrek, Aqnıet, Qasıet esimderi berildi.

Sábıler búginge deıin perınıtaldyq ortalyq dárigerleriniń baqylaýynda bolǵan. Qazir ana men náresteniń jaǵdaıy birqalypty.

Otaǵasy Temirbek Tájıev qurylys salasynda eńbek etse, otanasy Aqbota Qudaıbergenova mektepke deıingi bilim berý mekemesinde jumys isteıdi.

Buǵan deıin eki ul men bir qyzy bar otbasy birden 6 balaly bolyp, qýanyshqa kenelip otyr.

Aıta keteıik, eki kún buryn Túrkistan oblysynda 23 jastaǵa ana úshem bosanǵan bolatyn. Úsh qyzǵa Raıana, Razııa, Raıhana esimi berildi.