Túrkistan oblysynda bıyldyqqa altynshy úshem dúnıege keldi

TÚRKІSTAN. QazAqparat - Túrkistandyq dárigerler shala týǵan úshemdi aman alyp qaldy. Jyl basynan beri óńirde altynshy úshem dúnıege keldi, dep habarlaıdy QazAqparat.

Oblystyq qoǵamdyq densaýlyq saqtaý basqarmasynyń málimetinshe, náresteler Túrkistan qalasynda ornalasqan № 3 oblystyq perınataldyq ortalyǵynda dúnıege keldi.

Úsh ul balany 39 jastaǵy Dılhýmar ıÝsýpova ota arqyly bosanǵan.

Dárigerler týǵanda salmaǵy nebári 1,7 keli (1700 gramm, boıy - 40 sm, 1700 gramm, boıy - 39 sm, 1970 gramm - boıy 42 sm) bolǵan úsh uldy 13 kún boıy kútip, jetildirgen.

Merziminen erte týylǵan úshem perzenthana dárigerleriniń baqylaýyna alynǵan.

Medıtsına qyzmetkerleriniń kómegimen sábıler salmaq qosyp, jaǵdaıy jaqsarǵan.

Túrkistandyq dárigerlerdiń biliktiligi men kútiminiń, tynymsyz eńbeginiń arqasynda shala týǵan shaqalaqtar aman qalyp, anasy olardy baýyryna basa aldy.

Mamandardyń sózinshe, qazir olardyń ómirine tónip turǵan qaýip joq. Nárestelerge jaqyndary Hasan, Hýsan jáne Mýhammad dep at qoıǵan.

Aıta ketsek, úshem dúnıege kelgen otbasynyń tórt qyzy men eki uly bar.

39 jastaǵy kelinshek 9 balanyń anasy atandy.

Kópbalaly ana úı sharýasynda, al otaǵasy qarapaıym jumysshy.

Byltyr № 3 OPO-da ortalyǵynda 10 myńǵa jýyq sábı dúnıge keldi.

Jyl basynan beri munda 6 myń náreste dúnıege kelgen. Ortalyq dárigerleri jyl saıyn júzdegen shala týǵan nárestelerdiń ómirin saqtap qalýda.