Túrkistan oblysynda bıyl 30 myńnan astam oqýshy mektep bitiredi

TÚRKІSTAN. QazAqparat - Túrkistan oblysynda bıyl 30 266 túlek mektep bitiredi. Onyń ishinde 23 865 bala UBT tapsyrýǵa ótinish bergen, dep habarlaıdy QazAqparat tilshisi.

Túrkistan oblysynda 998 orta bilim berý uıymy bar. Onyń 907 - memlekettik bolsa, 91 - jekemenshik.

Óńirdegi jalpy oqýshy sany - 515 079.

Myńǵa jýyq mekteptiń 844-i aýyldarda ornalasqan. Al, qalaǵa tıeseli bilim ordalarynyń sany - 154.

Túrkistan oblysy adamı áleýetti damytý basqarmasynan alynǵan málimetke súıensek, 2022-2023 oqý jylynda oblys boıynsha 11-synypty 30 266 túlek bitiredi.

Onyń 1416 túlegi «Altyn belgige» úmitker bolsa, 2355-i «Úzdik attestat» alýǵa úmittenip otyr.

Jalpy óńirdegi Túrkistan men Saryaǵash qalalarynda jáne Jetisaı, Sozaq, Saıram aýdandarynda «USTUDY» testileý ortalyqtary ornalasqan.

UBT-ǵa daıyndyq maqsatynda ondaǵy 12 aýdıtorııada 600 kompıýterlik oryn daıyndalǵan.

Sondaı-aq, óńirde 45 742 oqýshy 9-synyp bitiredi. Onyń 4082-i «Úzdik attestatqa» úmitker.