Túrkistan oblysynda #Birgemiz aktsııasy aıasynda 1500 otbasyna kómek berilýde

TÚRKІSTAN. QazAqparat – Túrkistan oblysynda «Nur Otan» partııasy qolǵa alǵan «Biz birgemiz!» aktsııasy jalǵasýda. 20 naýryzda bastalǵan aktsııa aıasynda óńirdegi aýdan, qalalarda 690 turǵynǵa, ıaǵnı, osynsha otbasyna áleýmettik kómek kórsetildi, dep habarlaıdy QazAqparat tilshisi.

Partııanyń «Kedergisiz keleshek», «Baqytty otbasy» jáne «Ardagerlerdi ardaqtaıyq» jobalary arqyly jalǵyzilikti qarııalar, múmkindigi shekteýli jandar, kópbalaly otbasylar jáne áleýmettik jaǵdaıy óte tómen turǵyndarǵa qoldaý kórsetilýde. Koronavırýske qarsy kúres, turǵyndardyń ál-aýqatyn kóterý maqsatyndaǵy aktsııaǵa partııa fılıaldary, aýdan, qala ákimderi, «jasotandyqtar», erikti jastar jáne jomart kásipkerler men máslıhat depýtattary belsendi atsalysyp jatyr. Bastapqyda 1300-deı otbasyǵa kómek berý

josparlarǵan. Alaıda turǵyndardyń ótinishteri boıynsha bul tizim 1500-ge ulǵaıyp otyr.

«El Prezıdenti Qasym-Jomart Toqaev tótenshe jaǵdaı kezinde az qamtylǵan jáne kópbalaly otbasylarǵa qoldaýdy kúsheıtýdi tapsyrdy. «Nur Otan« partııasy aktsııanynegizgi úılestirýshi retinde osy baǵytta jumysty jandandyra tústi. El azamattary, kásipkerler, depýtattar men erikti jastar tarapynan qoldaý kórsetilýde. Mundaı qıyn sátte biz birge bolyp, qoldan kelgenshe elge kómektesýimiz kerek. Oblys ákimi Ómirzaq Estaıulynyń tapsyrmasymen óńirde bul aktsııa joǵary deńgeıde ótip jatyr»,- deıdi «Nur Otan» partııasy Túrkistan oblystyq fılıaly tóraǵasynyń birinshi orynbasary Beısenbaı Tájibaev.

Merekelik demalys kúnderi de jumysty toqtatpaǵan jastar men eriktiler, partııa ókilderi búgin arnaıy qoımada bas qosty. Olar demeýshiler, el azamattary tarapynan túsken qarjyǵa alynǵan azyq-túlikti júk kólikterine artyp, ol kómek aýdan, qalalarǵa jóneltildi.