Túrkistan oblysynda bir aýyldy sý basyp jatyr
Toqtaýsyz jaýǵan jańbyr saldarynan Tóle bı aýdanyndaǵy Birinshi mamyr aýylyn sý alyp jatyr. Jalpy aýyldaǵy bir balabaqsha men jeke sektordaǵy 25 aýlany jáne birneshe kósheni sý basqan. Qazirgi tańda qutqarýshylar jaýyn-shashynnyń saldarynan bolǵan sý basýdyń saldaryn joıý jumystaryn jalǵastyrýda.
«Jergilikti atqarýshy organdar men Tótenshe jaǵdaılar departamentiniń qyzmetkerleri sýdy shyǵarý jáne ınertti materıaldar salynǵan qaptardy tóseý jumystaryn júrgizýde. Qazirgi tańda 200-den astam qap tóseldi. Sý jınalýy yqtımal jerlerge taǵy 300-ge jýyq qap tóseý josparlanýda» delingen Túrkistan oblysy TJD baspasóz qyzmeti taratqan aqparatta.
Qazgıdromet mamandarynyń málimetinshe, aǵymdaǵy jyldyń 8 qarashasynda da óńirde nóser jańbyr jaýady dep kútilýde.