Túrkistan oblysynda belsendi azamat bir kún oblystyń bilim salasyn basqardy

TÚRKІSTAN. QazAqparat – Búgin áleýmettik jeli belsendisi Baýyrjan Nııazbekov Túrkistan oblysy adamı áleýetti damytý basqarmasy basshysynyń ýaqytsha mindetin atqarýda, dep habarlaıdy QazAqparat tilshisi.

Bul is-shara «23 maýsym Memlekettik qyzmetkerler kúnine» Túrkistan oblysy ákimdiginiń bastamasymen uıymdastyrylyp otyr.

Tańǵy saǵat 09.00-den bastap jumysyna kirisken Baýyrjan Nııazbekov basqarmanyń bólim basshylarymen ótkiziletin josparly apparat jınalysyna qatysty. Onda jazǵy mekteptiń qorytyndysy tyńdalyp, 1-synypqa qabyldaý isi pysyqtaldy. Budan bólek, kolledjderge qabyldaý jumystarynyń daıyndyǵy sóz boldy. Osylaısha kún tártibinde turǵan máseleler týraly aıtylyp, jumys barysymen tanysty. Baýyrjan Nııazbekovty oblystyq adamı áleýetti damytý basqarmasynyń mamandary jyly shyraımen qarsy alyp, jumysyna sáttilik tiledi.

«Jalpy bul bir kúndik is-shara. Áleýmettik jeli belsendisi basqarma basshysy Dinıslam Bolathanulynyń qasynda júrip, jumys protsesin baqylaıdy. Óz pikirin, oıyn aıtyp, usynystaryn jetkizedi» - deıdi Túrkistan oblysy adamı áleýetti damytý basqarmasynyń baspasóz hatshysy Nurlan Sultanbek.