Túrkistan oblysynda balabaqsha qyzmetkerleriniń jalaqy qaryzy 25 jeltoqsanǵa deıin tólenedi
21:45, 13 Jeltoqsan 2022
TÚRKІSTAN. QazAqparat - Túrkistan oblysynda balabaqsha qyzmetkerleriniń jalaqy qaryzy 25 jeltoqsanǵa deıin tólenedi, dep habarlaıdy QazAqparat tilshisi.
Túrkistan oblysynda balabaqsha qyzmetkerleri sońǵy aıda jalaqylaryn ýaqytyly ala almaı qalǵan bolatyn. Tárbıelenýshi balalardyń kontıngent sanyna baılanysty jyl sońyna qosymsha qarjy qajettiligi týyndaǵan. Atalǵan másele búgin ótken oblystyq máslıhat sessııasynda qaraldy. Tıisti qarjylar oblystyq adamı áleýetti damytý basqarmasyna tolyǵymen bólindi. Bereshek qarjylar boıynsha tólem 2022 jyldyń 25 jeltoqsanyna deıin júrgiziletin bolady.
Bul týraly baıandama jasaǵan oblystyq ekonomıka jáne strategııalyq damý basqarmasynyń basshysy Q.Qaıypbek málimdedi.
Jalpy Túrkistan oblystyq máslıhatynyń kezekti on toǵyzynshy sessııasynda 24 másele qaraldy.