Túrkistan oblysynda bala tárbıesine nemquraıly qaraǵan 243 jaısyz otbasy esepke alyndy
Óńirde jyl basynan beri kámeletke tolmaǵandar arasyndaǵy quqyq buzýshylyqtardyń aldyn alý men jolyn kesý maqsatynda «Jasóspirim», «Túngi qaladaǵy balalar», «Jasóspirim jáne jaýapkershilik» jedel-profılaktıkalyq is sharalary ótkizilip keledi.
Nátıjesinde túngi ýaqytta oıyn-saýyq oryndarynda júrgen 142, turǵyn úıden tys jerde bolǵan 3402 jasóspirim anyqtalyp, ata-analary men zańdy ókilderi ákimshilik jaýapkershilikke tartyldy.
Jasy kámeletke tolmaǵandardyń túngi ýaqytta oıyn-saýyq oryndarynda bolýyna jol bergeni úshin 68 mekeme ıesine Ákimshilik kodekstiń 132-babymen hattama toltyryldy.
Quqyq buzýshylyqqa beıim 329 kámeletke tolmaǵan men bala tárbıesine nemquraıly qaraǵan 243 qolaısyz otbasy esepke alyndy.
«Jasóspirimderge qarsy jasalǵan qylmystar 2 paıyzǵa tómendedi. Osy rette ata-analarǵa demalys kezinde balalaryńyzdyń qaıda júrgenin qadaǵalap, túngi ýaqytta óz betterinshe úıden tys jerlerde bolýyna jol bermeńizder dep eskertkim keledi. Sebebi osy ýaqytta balalaryńyz qylmys jasaýy nemese qylmystyń qurbany bolýy múmkin»,-dedi Baǵlanbek Aıtpaev.
Tártip saqshylary jazǵy maýsymdaǵy shomylý kezinde saqtyq sharalaryn qatań saqtaýǵa shaqyrady.
«Osy baǵytta polıtsııa, tótenshe jaǵdaılar qyzmetkerleri birlesip, únemi túsindirý jumystaryn júrgizip keledi. Eger de, tyıym salynǵan jerlerde shomylý derekteri anyqtalǵan jaǵdaıda, Ákimshilik kodeksiniń 364-babymen jaýapkershilikke tartylatyn bolady» - dedi polıtsııa polkovnıgi.