Túrkistan oblysynda azyq-túlik toptamasyn kimder ala alady

TÚRKІSTAN. QazAqparat - Halyqtyń jekelegen sanattaryn azyq-túlikpen qamatamasyz etý tetigi iske qosyldy, dep habarlaıdy QazAqparat óńirlik kommýnıkatsııalar qyzmetine silteme jasap.

QR Prezıdenti Qasym-Jomart Toqaevtyń Tótenshe jaǵdaı jónindegi memlekettik komıssııacy otyrysynda bergen tapsyrmasyna sáıkes, respýblıka boıynsha tótenshe jaǵdaı kezeńinde áleýmettik mańyzy bar azyq-túlik, qajetti zattarmen ataýly áleýmettik kómek alatyn otbasylardyń 6-18 jas aralyǵyndaǵy balalarymen qosa ózge de músheleri qamtylady.

Al, karantın aýmaǵynda qalǵan qalalar úshin:

- I jáne II topqa jatatyn múgedek eresek adamdar jáne balalar;

- Múmkindigi shekteýli bala kútimimen úıde otyrǵan ata-analar atalmysh kómekti ala alady.

Quny 2 AEK-ten tómen emes azyq-túlik jáne turmysqa qajetti zattar quramyn jergilikti atqarýshy bılik aıqyndaıdy. Azyq-túlik-turmystyq jıyntyqtarmen qamtamasyz etý kómek alýshy tulǵalardyń shottaryna aqshalaı qarajatty aýdarý jolymen nemese zattaı túrde júzege asyrylady. Respýblıkalyq bıýdjetten bir adamǵa bólinetin jıyntyq baǵasy 5 647 tg quraıdy. Beriletin kómek kólemin ulǵaıtý jergilikti bıýdjetten qarastyrylady.

Aıta ketý kerek, bul jıyntyq quramyna antıseptık, betperde, qolǵap sekildi qorǵanys quraldary kirmeıdi. Túrkistan oblysy karantın aımaǵyna kirmeıtindikten, joǵaryda atalǵan kómek AÁK alatyn otbasynyń 6-18 jas aralyǵyndaǵy balalaryna ǵana beriledi.

Sonymen qatar, Elbasynyń «Biz birgemiz» atty bastamasyn qoldaý maqsatynda, «Nur Otan» partııasynyń barlyq fılıaly respýblıkalyq mańyzy bar qalalarda, oblys ortalyqtarynda jáne halqy 85 myń adamnan asatyn qalalarda jumyspen qamtý jáne áleýmettik qorǵaý basqarmalarymen jáne bólimderimen birlesip, «BizBirgemiz» qorynyń qarajatynan kómek kórsetedi.

Qordan kómek alýshylar jeti sanatqa bólingen:

- az qamtylǵan kópbalaly otbasylar;

- I toptaǵy múgedekter;

- múgedek bala kútimimen otyrǵan adamdar;

- zeınetkerler (eń tómengi jáne tómen zeınetaqy alatyndar);

- jetim balalar jáne bir asyraýshysynan aıyrylǵan balalar;

- UOS múgedekteri jáne olarǵa teńestirilgender;

- tyl eńbekkerleri.

Qazirgi tańda oblys boıynsha «Biz birgemiz» qorynan kómek alatyndar tizimi jumyspen qamtý jáne áleýmettik qorǵaý bólimi tarapynan jasaqtaldy.