Túrkistan oblysynda azyq-túlik baǵasy turaqty
Óńirde áleýmettik mańyzy bar taýarlar baǵasyn negizsiz ósirmeý boıynsha tıisti shalalar atqarylýda. Másele kúndelikti baqylaýda. Bul týraly brıfıngide Túrkistan oblysy ákiminiń orynbasary Rashıd Aıýpov aıtyp ótti.
«Sońǵy statıstıkalyq málimetke sáıkes, Túrkistan qalasynyń baǵa ındeksi 0,6%-ǵa tómendedi. Túrkistan qalasy boıynsha áleýmettik mańyzdy taýarlardyń 19 túrinen keminde 1-1,5 aıǵa qor jasaqtalǵan. Qazirgi tańda «Ekobazar» saýda qoımasyna qajetti taýarlardy jaıǵastyrý josparlanýda. Oblysta suıytylǵan gaz baǵasy lıtrine – 60-65 teńge aralyǵynda, kóp qoldanystaǵy Aı-92 markaly benzın baǵasy lıtrine – 181 teńge, dızel otyny lıtrine – 229 teńgeden saýdalanýda», - dedi Rashıd Abatuly.
Áleýmettik mańyzy bar azyq-túlik baǵasynyń negizsiz ósýiniń aldyn alý maqsatynda, iri saýda oryndary men dúkender jáne ámbebap bazarlarmen aǵymdaǵy jyldyń 7 qańtardaǵy jaǵdaı boıynsha oblys kóleminde 1 098 memorandým túzilgen. Oblys ákimdigi tarapynan baǵalardy turaqtandyrý maqsatynda «Aınalym shemasy» sheńberinde jalpy 640 mln teńge baǵyttaldy. Onyń ishinde: «Magnum Cash&Carry» JShS - 200 mln teńge, «Alı Saýda» JShS - 300 mln teńge, «Ǵajaıyp-P» - 70 mln teńge, «Saýram sút» JShS - 70 mln teńge qaryz berildi. Atalǵan saýda oryndary taýarlardy naryqtaǵy baǵadan 10-15%-ǵa tómen baǵada satýda. Turaqtandyrý qory esebinde 209,3 mln teńge ornalastyrylǵan.
Budan basqa, Túrkistan qalasynda fılıaly bar Magným (Magnum Cash&Carry) saýda jelisimen áleýmettik mańyzdy taýarlardy saýda ústemesimen 15%-dan 10%-ǵa tómendetý týraly monopolııaǵa qarsy komplaens aktisi qabyldandy.