Túrkistan oblysynda aıyna 6 myńǵa jýyq sábı dúnıege keledi
Oblys ákimi Ómirzaq Shókeev kóshpeli brıfıngte on aı ishinde jalpy 50 202 náreste dúnıege kelgenin, óńirde bala týý kórsetkishiniń ótken jyldyń sáıkes kezeńimen salystyrǵanda 25,1 kórsetkishke artqanyn atap ótti.
«Memleket basshysynyń Joldaýynda aıtylǵan aýqymdy máselelerdiń barlyǵy elimizdiń ekonomıkalyq ósimi men turmystyq ál-aýqatynyń jaqsarýyna baǵyttalǵan. Bul turǵyda kúrdeli kezeńde oblys turǵyndaryna barynsha qoldaý kórsetilýde. Máselen, «Eńbek» memlekettik baǵdarlamasy boıynsha Túrkistan oblysynda 67 038 adam qamtylyp, onyń ishinde 798 adam shaǵyn nesıe alǵan jáne 6 039 adam memlekettik grantty ıelendi. 30 myńnan astam adam ýaqytsha jumysqa ornalastyrylǵan»,- dedi oblys ákimi.
Aımaq basshysynyń aıtýynsha, ataýly áleýmettik kómektiń jańa modelin iske asyrý maqsatynda Túrkistan oblysynda 49,5 myń otbasyna 31,9 mlrd teńge qarastyrylǵan.
Onyń ishinde ataýly áleýmettik kómek boıynsha jalpy qajettilikke 27,5 mlrd teńge, 1 jastan 6 jasqa deıingi balalarǵa arnalǵan kepildendirilgen áleýmettik toptamaǵa 4,4 mlrd teńge bólingen.
«Oblysta 2020 jyldyń 1 qarashasyna deıin az qamtamasyz etilgen 35 109 otbasyna 13 156,2 mln teńge qarjy taǵaıyndalyp, 33 434 otbasyna 10 683,2 mln teńge ataýly áleýmettik kómek tólendi. Kepildendirilgen áleýmettik toptama boıynsha 1 jáne 6 jas aralyǵyndaǵy 41 516 balaǵa azyq-túlik jıyntyǵy men gıgıenalyq quraldary berildi. Tótenshe jaǵdaı kezinde jumysynan aırylý saldarynan tabysy tómendegen 544,5 myń azamatqa 23,1 mlrd.teńgege 42 500 teńge mólsherinde áleýmettik tólemder usynyldy», - dedi oblys ákimi Ómirzaq Estaıuly.
Oblysta sondaı-aq, shilde-tamyz aılarynda 337 171 ótinishke tólem taǵaıyndalyp, 14,2 mlrd teńge mólsherinde áleýmettik tólem tólengen.
6-18 jas aralyǵyndaǵy ataýly áleýmettik alýshy 168,9 myń balalarǵa, múgedekter men jumyssyzdarǵa 3,7 mlrd teńgege 5 567 teńge kólemindegi ótemaqy túrinde azyq-túlik turmystyq paketter berilgen.