Túrkistan oblysynda aımaqtyq sarapshylardyń kezdesýi ótti

TÚRKІSTAN. QazAqparat - Túrkistan qalasynda Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýyn júzege asyrý boıynsha aımaqtyq sarapshylardyń kezdesýi ótti, dep habarlaıdy QazAqparat tilshisi.

Kezdesýdi QR Prezıdenti janyndaǵy Qazaqstan strategııalyq zertteýler ınstıtýty men Túrkistan oblysy ákimdiginiń ishki saıasat basqarmasy birlesip ótkizdi. Jıynda atalǵan ınstıtýttyń áleýmettik-saıası zertteýler bóliminiń basshysy Alýa Joldybalına «Ómir sapasynyń deńgeıi: negizgi ólshemderi men ındıkatorlary» taqyrybynda baıandama jasady. Ómir sapasyn anyqtaýdaǵy negizgi ındıkatorlar men ólshemder týraly túsindirip berdi.

«Túrkistan oblysynyń jańadan qurylýynyń ózi bul óńirdiń áleýeti myqty ekenin bildiredi. Sebebi, eńbek kúshi bar ári birqatar salalardy damytýǵa qolaıly oblys. Osy bastama arqyly Túrkistanǵa ınvestıtsııa tartylyp, halyqtyń ál-aýqaty kóteriledi. Elbasy Joldaýyndaǵy basty mindet te - osy. ıAǵnı, eldiń turmys deńgeıin kóterý», - dedi Alýa Joldybalına.

Kezdesýde QR Prezıdenti janyndaǵy Qazaqstan strategııalyq zertteýler ınstıtýtynyń aqparattyq-taldaý jumysy bóliminiń basshysy Ásel Nazarbetova «Jańa zamannyń memlekettik qyzmetkerleri - el saıasatynyń tıimdi júzege asýynyń negizi» taqyrybynda oı qozǵady. Spıker memlekettik qyzmetkerler qoǵammen dıalog ornatýǵa daıyn bolyp, otanshyl ári joǵary mádenıetimen daralanyp, komanda quramynda jumys isteı bilýi kerek ekendigin atap ótti.

«Elbasy memlekettik qyzmetshilerdiń deńgeıin, memlekettik organdardyń tıimdiligin arttyrý jóninde tapsyrma berdi. Bul baǵytta da jańa bastamalar qolǵa alynyp jatyr. Máselen, eski júıe boıynsha memlekettik qyzmetkerdiń jalaqysy onyń laýazymy men eńbek ótiline baılanysty bolatyn. Al, jańa júıe boıynsha jumystyń kúrdeliligi eskeriledi. Jumysty sapaly istegen qyzmetkerlerge bonýstar beriledi. Osy arqyly basshylyq pen mamandar jalaqysy arasyndaǵy alshaqtyq tómendeıdi», - dedi Ásel Nazarbetova.

Sonymen qatar, belgili saıasattanýshy Bórihan Nurmuhammed bıyl bir jylda eki Joldaýdyń jarııalanýynyń astarynda Elbasynyń áleýmettik máselelerdi jyldam sheshý maqsaty jatqanyn aıtty. Sebebi, úsh aı buryn aıtylǵan tapsyrmalar men bastamalardy kelesi jyldyń bıýdjetine engizýge múmkindik bar.

«Osy arqyly qoǵamdaǵy eń ózekti máseleler sheshimin tabady. Al, Túrkistanǵa kelsek, bul qaladaǵy jetekshi oqý oryndary memlekettik basqarý, ýrbanızatsııa, týrızm salalary boıynsha myqty mamandar daıarlaýdy kúsheıtýleri kerek», - dedi Bórihan Nurmuhammed.

Jıyndy júrgizip otyrǵan oblystyq ishki saıasat basqarmasynyń basshysy Beısenbaı Tájibaev Astanadan kelgen sarapshylardyń pikirleri stýdentter men oqytýshylarǵa serpin beretinin aıtyp ótti.

Al, Q.A.ıAsaýı atyndaǵy HQTÝ-dyń áleýmettaný ǵylymdarynyń doktory Orazbek Nusqabaev jańa bastamalardy júzege asyrýǵa ǵalym-ustazdar da úles qosýǵa daıyn ekenin málimdedi.

Kezdesý sońynda Qazaqstan strategııalyq zertteýler ınstıtýtynyń áleýmettik-saıası zertteýler bóliminiń basshysy Alýa Joldybalına jıynǵa qatysýshylarǵa qoǵamdaǵy ózekti máselelerge jedel monıtorıng jasaý jóninde semınar-trenıng ótkizdi.