Túrkistan oblysynda avtogaz qymbattamaıdy - ákimdik

TÚRKІSTAN. QazAqparat- Túrkistan oblysynda avtogaz qymbattamaıdy. Bul týraly Túrkistan oblysynyń energetıka jáne turǵyn úı-kommýnaldyq sharýashylyq basqarmasynyń basshysy Sáken Dalıev málimdedi, dep habarlaıdy QazAqparat tilshisi.

Túrkistan oblysyna suıyqtylǵan gazdyń suranysy aıyna 12 000 tonnaǵa jýyq kólemdi quraıdy. Al, kúndelikti tutyný kólemi 420 tonnanyń tóńireginde.

Basqarma basshysynyń sózinshe, óńirdegi suıytylǵan avtogazdyń kólemi jetkilikti. Aldaǵy ýaqytta da tapshylyq týyndamaıdy.

«Sáýir aıyna 10236 tonna, mamyr aıyna 12359 tonna, maýsym aıyna 10739 tonna suıytylǵan munaı gaz Túrkistan oblysyna bólinip otyr. Baǵasy da turaqty. Túrkistan oblysy aýmaǵynda suıytylǵan avtogazdyń lıtri 60-65 teńgeniń kóleminde satylyp jatyr. Almaty, Shyǵys Qazaqstan, Soltústik Qazaqstan, Abaı oblystarynda tarıf ósedi dep josparlanýda. Al, bizdiń óńirde ázirge ondaı jospar joq. Kólemi de jetkilikti. Zaýyttan kúnine 16 vagonnan Túrkistan oblysyna jiberilip jatyr» -dedi Sáken Dalıev.

Aıta keteıik, búginde óńirde balon gazyn qoldanatyn 140 536 turǵyn úı bar. Sondaı-aq, 50 000 astam jeńil kólik, 1500 jýyq júk tasymaldaıtyn jáne 1000-ǵa jýyq jolaýshy tasymaldaıtyn kólik suıytylǵan avtogazdy tutynady.