Túrkistan oblysynda aýyl turǵynynan 30 danadan astam marıhýana oramasy tárkilendi

TÚRKІSTAN. QazAqparat – Túrkistan oblysy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri Saıram aýdanynda esirtkiniń zańsyz aınalymyna tosqaýyl qoıdy, dep habarlaıdy QazAqparat departamenttiń baspasóz qyzmetine silteme jasap.

Jedel-izdestirý is-sharalaryn júrgizgen polıtseıler Saıram aýdanynyń turǵynyn esirtki saqtady degen kúdikpen ustady. Jedel ýákilder kúdiktiniń úıin tintý kezinde onyń sandyǵynan ishinde esirtkige uqsas zaty bar 30 danadan astam orama (polıetılen paketi) tapty. Tárkilengen zattaı dáleldemeler saraptamaǵa jiberilip, zertteý qorytyndysyna sáıkes olardyń jalpy salmaǵy 1 keliden asatyn marıhýana ekeni anyqtaldy.

Atalǵan jaıt QR QK-niń 296-baby «Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» boıynsha tirkeldi.

Qazirgi ýaqytta kúdiktige qatysty sotqa deıingi tergeý amaldary júrgizilip jatyr.

Foto: polisia.kz