Túrkistan oblysynda aýyl arasyn jalǵaıtyn kópirdi jańbyr sýy buzyp ketti
20:23, 04 Qańtar 2023
TÚRKІSTAN. QAZaQPARAT - Túrkistan oblysynda aýyl arasyn baılanystyratyn kópirdi jańbyr sýy buzyp ketti, dep habarlaıdy QazAqparat tilshisi.
Túrkistan oblystyq mańyzy bar KH-57, Sozaq-Qarataý baǵytynda ornalasqan kópirdi jańbyr sýy buzyp ketti.
Áleýmettik jelide jarııalanǵan vıdeodan turǵyndardyń qarsy baǵytqa óte almaı qalǵanyn kórýge bolady.
Al, Sozaq aýdany ákimdiginiń baspasóz qyzmeti aýyl arasyn baılanystyratyn jol tez arada qalypqa kelgendigin málimdedi.
«3 qańtar kúngi qar aralas jaýyn men qatty daýyl saldarynan Qarataý aýyldyq okrýgin aýdan ortalyǵymen baılanystyratyn oblystyq mańyzy bar joldaǵy kópirdi jınalǵan sý buzyp ketti. Qazirgi tańda buzylǵan kópir mańaıyna qıyrshyq tas tóselip, tegisteldi. Kólik qozǵalysy men aýyl okrýg arasynda baılanys turaqty» delingen habarlamada.
Vıdeodan alynǵan kadr