Túrkistan oblysynda aýa raıynyń qolaısyzdyǵynan shopan adasyp ketti
01:23, 16 Qarasha 2022
TÚRKІSTAN. QazAqparat - Túrkistan oblysynda aýa raıynyń qolaısyzdyǵynan adasyp ketken shopan tabyldy, dep habarlaıdy QazAqparat tilshisi.
Saýran aýdany Maıdantal aýyldyq okrýgine qarasty Iirsaı jaılaýynda mal baǵyp júrgen shopan aýa raıynyń qolaısyzdyǵynan adasyp ketken. 44 jastaǵy azamatty izdestirý jumystaryna Saýran aýdany tótenshe jaǵdaılar bólimi, Maıdantal aýyldyq okrýgi ákimdigi, polıtsııa bóliminiń qyzmetkerleri jumyldyryldy.
«Іzdestirý qutqarý jumystarynyń nátıjesinde 15 qarasha kúni 13 saǵat 15 mınýtta joǵalǵan azamat jaılaýdan 18 shaqyrym jerden tabyldy.Densaýlyǵy jaqsy, medıtsınalyq kómekti qajet etpedi», -delingen Túrkistan oblysy TJD baspasóz qyzmeti taratqan aqparatta.