Túrkistan oblysynda áskerı bılet pen qaıtarymsyz grant alyp berýdi usynǵan alaıaqtar ustaldy

TÚRKІSTAN. QazAqparat – Jergilikti turǵyndarǵa áskerı bılet pen qaıtarymsyz grant alyp berýdi usynǵan alaıaqtar ustaldy, dep habarlaıdy QazAqparat Túrkistan oblystyq polıtsııa departamentiniń baspasóz qyzmetine silteme jasap.

Saıram aýdandyq polıtsııa basqarmasyna jergilikti turǵyn shaǵymdandy. Jábirlenýshi 2022 jyldyń qazan aıynda tanysyna aldanyp, 140 000 teńge bergen. «Balańyzǵa áskerı bılet shyǵaryp beremin» degen ýádege sengen turǵyn san soǵyp qalǵan. Atalǵan jaıt QR QK-niń 190-baby «Alaıaqtyq» boıynsha tirkeýge alyndy. Tártip saqshylary kúdiktiniń jeke basyn anyqtap, polıtsııa basqarmasyna jetkizdi. Ol kinásin moıyndap, qarajatty óz qajettiligine jumsap jibergenin málimdegen.

Sondaı-aq, Túrkistan qalasynyń polıtsııa basqarmasyna alaıaqtyq qylmysy týraly aryzben Saýran aýdanynyń turǵyny júgindi. Jábirlenýshiniń habarlaýynsha, beıtanys áıel oǵan 5 mıllıon teńge qaıtarymsyz grant alýǵa kómektesýge ýáde bergen. Alaıaqqa sengen qala turǵyny 200 myń teńgesinen aırylǵan. Bul jaıt QR QK-niń 190-baby «Alaıaqtyq» boıynsha tirkeldi. Jedel-izdestirý is-sharalarynyń nátıjesinde kúdikti anyqtaldy. Ol Kentaý qalasynyń turǵyny bolyp shyqty.

Qazirgi ýaqytta sotqa deıingi tergeý amaldary júrgizilip jatyr.