Túrkistan oblysynda alyp sábı dúnıege keldi
23:56, 14 Maýsym 2022
TÚRKІSTAN. QazAqparat- Túrkistan oblysyndaǵy №2 perınataldyq ortalyqta salmaǵy 6 keli bolatyn qyz bala dúnıege keldi, dep habarlaıdy QazAqparat tilshisi.
Mamandardyń sózinshe, bul salmaq qalypty jaǵdaıdan eki ese úlken eken.
Dárigerler 30 jastaǵy kelinshekti 13 maýsym kúni kesir tiligi arqyly bosandyryp alǵan. Qazir ana men balaǵa tıisti medıtsınalyq kómek kórsetilip jatyr. Náreste men anasynyń jaǵdaıy qalypty.
Altynshy perzentin ómirge ákelgen Nurıla Bórikbaeva qyzynyń esimin Juldyz dep qoıypty.
Aıta keteıik, Túrkistan oblysynda 23 jastaǵa ana úshem bosanǵan bolatyn. Úsh qyzǵa Raıana, Razııa, Raıhana esimi berildi.