Túrkistan oblysynda alma aǵashy qaıta gúldedi

TÚRKІSTAN. QazAqparat - Túrkistan oblysynda alma aǵashy qaıta gúldedi, dep habarlaıdy QazAqparat tilshisi.

Kentaý qalasynda ornalasqan Ybyraı Altynsarın atyndaǵy №1 mekteptiń aýlasyndaǵy alma aǵashy qaıta gúldedi.

Tabıǵattyń tamasha qubylysyn Turar Omarov esimdi áleýmettik jeli qoldanýshysy vıdeoǵa túsirip alǵan.

Keıin jelige júktegen ol kún raıynyń jyly ekendigin aıtady.

Al, jeli qoldanýshylary tańqalyp túrli pikir jazyp jatyr.

Onyń biri «Kentaýda raıy kóktemdegideı bolyp tur. Tirshilik qaıta gúldep jatqany sondyqtan Jaqsylyqtan úmit úzbeıik» dese, endi biri «kelesi jyly alma salmaıtyn shyǵar» dep alańdaýshylyǵyn bildirgen.

Jalpy qazirgi kezde Túrkistan oblysynyń kóp bóliginde kún raıy jyly. Aýa temperatýrasy kúndiz +13,+15 bolsa, túnde +8 kórsetip tur.