Túrkistan oblysynda áleýmettik mańyzy bar azyq-túlik taýarlary jetkilikti

TÚRKІSTAN. QazAqparat - Túrkistanda áleýmettik mańyzy bar azyq-túlik taýarlarynyń baǵasy turaqty, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Degenmen sońǵy kúnderi qaraqumyq, kartop pen jumyrtqa baǵasynyń ósimi baıqalady. Máselen, qaraqumyqqa shektik ruqsat etilgen baǵa 302 teńge bolsa, Kentaý qalasy men Qazyǵurt, Otyrar, Maqtaaral, Jetisaı aýdandarynda 350 teńgeden satylyp jatyr.

Al, jumyrtqanyń shektik ruqsat etilgen baǵasy 291 teńge dep belgilense, Kentaý qalasynda - 330, Saıram aýdanynda - 320, Tólebı, Sozaq aýdandarynda - 300 teńgeden saýdalanýda. Sondaı-aq, kartop baǵasy da shektik ruqsat etilgen 132 teńgeden 160 teńgege ósip otyr. Kartop baǵasynyń ósimi Kentaý, Túrkistan qalalary men Saıram, Saryaǵash, Otyrar, Ordabasy aýdandarynda baıqaldy. Eń qymbat kartop Túrkistan qalasynda 170 teńgeden saýdalanýda.

Qazir Túrkistan oblysynda ár apta saıyn barlyq saýda ortalyqtarynda baǵa monıtorıngi júrgizilýde. Ol úshin arnaıy monıtorıng toptary qurylǵan. Aýdan-qalalardaǵy mobıldi toptar baǵanyń negizsiz ósýine tosqaýyl bolady. Turǵyndar áleýmettik mańyzy bar azyq-túlik baǵasynyń qymbattaǵanyn kórse, 109 koll-ortalyǵyna habarlasyp, shaǵym qaldyrýǵa bolady.

Atap óteıik, búgingi tańda oblystyń saýda nysandary men qoımalarynda 30 myń tonnaǵa jýyq əleýmettik mańyzy bar taýarlar saqtalǵan.