Túrkistan oblysynda aqyly avtojoldyń beton qabaty kóterilip ketti

TÚRKІSTAN. QazAqparat- Túrkistan oblysynda aqyly avtojoldyń beton qabaty kóterilip ketti, dep habarlaıdy QazAqparat tilshisi.

Shymkent-Tashkent baǵytyndaǵy aqyly avtojoldyń beton qabaty kóterilip, jolaýshylarǵa birshama qıyndyq týdyrdy. Saraphana aýylynyń mańynda bolǵan jaǵdaıdy vıdeoǵa túsirip, jelige júktegen turǵyn kólikterdiń asty urylyp, dóńgelekteri jarylyp jatqanyn jetkizdi.

«Baıqańyzdar! Kólikter aýdarylyp, bir-birimen soǵysýǵa sál-aq qalyp jatyr», - deıdi avtor.

Al, «QazAvtoJol» UK AQ Túrkistan oblystyq fılıalynan jolda deformatsııalyq jikterdi kesý jumystary júrgizilip jatqandyǵy málim etildi. Sondaı-aq, keltirilgen qolaısyzdyqtar úshin kópshilikten keshirim surady.