Túrkistan oblysynda Abaıdyń 175 jyldyǵyna arnalǵan onlaın-sharalar bastaldy

TÚRKІSTAN. QazAqparat - Búgin Túrkistan oblysynda qazaqtyń kórnekti aqyny Abaıdyń 175 jyldyǵyna oraı birqatar merekelik shara uıymdastyrylady. QazAqparat bul týraly Óńirlik kommýnıkatsııalar qyzmetine silteme jasap habarlaıdy.

Atap aıtqanda, «Jeńis» saıabaǵynda «Adamzattyń Abaıy» atty merekelik jıyn ótedi.

Oblystyq tarıhı-mádenı etnografııalyq ortalyǵynda «Uly dalanyń uly aqyny – Abaı» taqyrybynda onlaın-lektsııasy jáne «Abaı dana, Abaı dara» onlaın-kórmesi uıymdastyrylady.

Budan bólek, «Ońtústikfılm» kommýnaldyq memlekettik mekemesi Abaıdyń 16 qara sózi, «Óleń sózdiń patshasy» chellendjin, uly oıshylǵa arnalǵan beınerolıktiń kórsetilimin ótkizedi.

Al Túrkistan oblystyq Y. Altynsarın atyndaǵy balalar kitaphanasy «Abaı rýhy qazaq dalasynda» atty vıdeokórme, «Aıttym sálem, Qalamqas...» oqyrmandardan syı sharasyn josparlap otyr.

Oblystyq A.S. Pýshkın atyndaǵy ámbebap-ǵylymı kitaphanasynda «Abaıdy oqy, orynda», «Abaıǵa taǵzym» beınabaıandary kórsetilip, «Abaı - ult bıigi» taqyrybyndaǵy kórmege vırtýaldy sholý, «Abaıdy oqıyq» bıblopost jobasy júzege asyrylady.
Aıta keteıik, bıylǵy jyly álemniń kóptegen elderi Qazaqstannyń bastamasymen jáne ıÝNESKO-nyń qoldaýymen Abaıdyń 175 jyldyǵyn atap ótedi. Osyǵan oraı Qazaqstanda 10 tamyz – Abaı kúni bolyp belgilendi.