Túrkistan oblysynda 9-synypta oqıtyn qyzdyń máıiti tabyldy
20:28, 14 Sáýir 2023
TÚRKІSTAN. QazAqparat - Túrkistan oblysynyń Ordabasy aýdanynda 9-synypta oqıtyn qyzdyń máıiti tabyldy. Qazir ony óltirdi degen kúdikpen 11-synyp oqýshysy ustaldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, oqýshy qyzdyń máıiti 9 sáýirde Ordabasy aýdanyndaǵy sýarý kanalynan tabylǵan.
«Qazirgi tańda jasóspirim qyzdy óltirdi degen kúdikti polıtsııa bólimine jetkizilip, qamaýǵa alyndy. Atalǵan jaıtqa baılanysty QR QK-niń 99-baby 2-bóligi «Adam óltirý» boıynsha sotqa deıingi tergeý júrgizilýde. Sot-medıtsınalyq saraptamasy taǵaıyndaldy. Tergeý isi Túrkistan oblysy Polıtsııa departamenti basshylyǵynyń jeke baqylaýynda» delingen habarlamada.