Túrkistan oblysynda 800 myńǵa jýyq turǵyn aýyz sýdy aryqtardan iship otyr

TÚRKІSTAN. QazAqparat – Túrkistan oblysynyń Qazyǵurt, Saryaǵash, Keles, Jetisaı, Maqtaaral aýdandaryndaǵy 800 myńǵa jýyq halyqty sapaly aýyz sýmen qamtý ózekti másele bolyp otyr, dep habarlaıdy QazAqparat tilshisi.

Atalǵan aýdandardyń birqatar eldi mekenindegi turǵyndar aýyz sýdy Ózbekstan Respýblıkasynan keletin kanaldar arqyly sanıtarlyq talaptarǵa saı emes ashyq sý kózderinen alsa, jekelegen eldi mekender mıneraldylyǵy joǵary jer asty sý kózderin paıdalanady. Osy máseleni sheshý úshin, óńirde «Túrkistan oblysyndaǵy Ógem ózenindegi sý elektr stantsııalarynyń kaskady men sý qubyry» jobasyn iske asyrý josparlanyp otyr.

«Bul joba boıynsha Ógem ózeninen ortasha jyldyq aǵysy 3,5 m3/sek kólemindegi sýdy burý arqyly aýyz sý retinde paıdalaný jáne kaskadty sý elektr stantsııalaryn (GES) salý negizinde 165 MVt-qa deıin elektr energııasyn óndirýge múmkindik beredi», - dedi Túrkistan oblysynyń energetıka jáne turǵyn úı-kommýnaldyq sharýashylyǵy basqarmasynyń basshysy Sáken Dalıev.

Ashy q k ó zderden alyn ǵ an foto