Túrkistan oblysynda 79 kópqabatty úı salynýda
Oblystyq qurylys basqarmasynyń basshysy Quttybek Jamashevtyń málimetinshe, óńirde qurylys jumystarynyń naqty kólem ındeksi boıynsha 2018 jyldyń jospary - 140,8 mlrd teńgeni quraǵan. Oblysta satyp alý quqyǵynsyz arendalyq turǵyn úı qoryn qurý boıynsha aǵymdaǵy jyly memlekettik bıýdjet esebinen 2449 páterli úılerdiń qurylysy júrip jatyr. Budan ózge, turǵyn úı qurylysy aýdandarynda ınjenerlik kommýnıkatsııalardy jaılastyrý boıynsha memlekettik bıýdjet qarajaty esebinen 9 nysannyń qurylysy júrgizilýde. QR Úkimetiniń qaýlysymen bekitilgen «Nurly jer» memlekettik turǵyn úı baǵdarlamasy aıasynda aǵymdaǵy jyly Túrkistan oblysy úshin turǵyn úıdi paıdalanýǵa tapsyrý jospary 344,7 myń sharshy metr dep belgilengen.
2018 jylǵy 6 aıdyń qorytyndysy boıynsha, 202,4 myń sharshy metr turǵyn úı paıdalanýǵa berilip, ótken jyldyń osy merzimimen salystyrǵanda 30 paıyzǵa artqan. Osyndaı júıeli jumystardyń nátıjesinde óńirdegi qala-aýdandarda turǵyndar baspanamen qamtylyp otyr. Máselen, Arys qalasyndaǵy «Kóktem - 2» shaǵyn aýdanynda 36 páterli úsh birdeı kópqabatty úı turǵyzyldy. Qazirgi tańda bul úılerdiń qurylys jumystary jospar boıynsha tolyǵymen aıaqtalyp, qabyldanǵan. Aıta ketý kerek, Arystaǵy naq osy turǵyn aýdanda, munan bólek, taǵy 36 páterli kóp qabatty úsh úıdiń qurylys jumystary júrýde. Al qala boıynsha 1300-den astam azamat úı kezeginde tur.
Saryaǵash aýdanynda ótken jyly 19,9 myń sharshy metr turǵyn úı tapsyrylǵan. Aǵymdaǵy jyly «Qoljetimdi baspana-2020» baǵdarlamasy boıynsha 7,780 sharshy metr turǵyn úı el ıgiligine berildi. Qaplanbek oqý-tájirıbe sharýashylyǵy aýmaǵynda «Nurly jer» baǵdarlamasymen 13 úı salynyp jatyr. 5 qabatty 585 páterli úıdi «Yntymaq Bes-Arys» JShS turǵyzýda. Jobalyq quny 407 mln teńge bolatyn baspanalar keler 2019 jyly tolyq paıdalanýǵa beriledi. 45 páterli 13 turǵyn úı aıaqtalsa, 585 otbasy baspanamen qamtylady.
Oblys ortalyǵy Túrkistan qalasynda 11 kópqabatty turǵyn úıdiń qurylysy júrip jatyr. Jańa shaǵynaýdanda salynyp jatqan baspanalar «7-20-25» baǵdarlamasy aıasynda boı kóterýde. Kıeli shahardaǵy bul shaǵynaýdan «Otyrar» dep atalady. Qazir munda 5 qabatty 60 páterden turatyn arendalyq úıler salynýda. 6 merdiger kompanııa qarqyndy jumys istep, qurylysty keler jyly aıaqtaýǵa nıettenip otyr. Turǵyn úılerdi salýǵa respýblıkalyq bıýdjetten 3 mlrd teńgege jýyq qarjy qaralǵan.
«60 páterli 5 qabatty 20 úı - arendalyq. Odan bólek, nesıege beriletin 6 úı salyp jatyrmyz. Onyń tórteýi jaı turǵyn úı, ekeýi kommertsııalyq turǵyn úı bolady. Qazir 11 úıdiń qurylysy júrip jatyr. Jalpy quny - 4 mlrd 105 mln teńge. Odan keıin 9 úıdiń qujaty konkýrstan ótýde», - deıdi Túrkistan qalalyq qurylys bóliminiń basshysy Ábdisamat Israılov.
Al, keler jyly Túrkistan qalasynda 3-shi klasty 42 kópqabatty turǵyn úı boı kóteredi dep josparlanǵan.
Budan bólek, óńirde tozyǵy jetken kópqabatty turǵyn úılerge jóndeý júrgizile bastady. Máselen aımaqta 1500-deı kópqabatty turǵyn úı bolsa, sonyń 508-i jedel jóndeýdi qajet etedi. Qolǵa alynǵan osy tirliktiń arqasynda oblystaǵy 102400 otbasynyń baspanasy jańartylmaq. Bul óńirdegi Shardara, Saryaǵash, Arys, Kentaý jáne Leńgir men Jetisaı sekildi shaǵyn qalalarda da júrgiziledi. Sondaı-aq apatty dep tanylǵan 18 turǵyn úıdiń ornyna jańasy salynady. Іs-shara boıynsha 508 úıdi 2025 jylǵa deıin jóndeý josparlanyp otyr. Oǵan oblystan qajetti qarjy 4,5 mlrd teńge bólindi. Bul - turǵyndar tarapynan qaıtarylatyn qarjy. Ol qarjy jóndeýdi qajet etetin kelesi úılerge jumsalmaq.