Túrkistan oblysynda 7 zańsyz oıyn bıznesi toqtatyldy
Túrkistan oblysy PD Uıymdasqan qylmysqa qarsy kúres basqarmasynyń qyzmetkerleri ІІM departamentimen birlese atqarǵan jedel-izdestirý sharalary barysynda Saryaǵash qalasynda «Bingo37», «Keno», «Fortuna» jáne basqa da formattaǵy kompıýterlik oıyndar qyzmetterin usynǵan 6 oıyn núktesiniń zańsyz qyzmeti toqtatyldy. Jedel ýákilder zańsyz oıyn bıznesin uıymdastyrýshylardyń biri bolǵan jergilikti turǵyndy ustady.
Sonymen qatar, tártip saqshylary Túrkistan qalasynda da zańsyz oıyn bıznesin uıymdastyrý faktisin anyqtady. Jedel-izdestirý is-sharalarynyń nátıjesinde polıtseıler men Ekonomıkalyq tergeý departamenti qyzmetkerleri birlesip, qalalyq avtovokzaldardyń birinen zańsyz oıyn bıznesin uıymdastyrǵan er adamdy ustady.
Qazirgi ýaqytta osy fakti QR QK-niń 307-baby 1-bóligi «Zańsyz oıyn bıznesin uıymdastyrý» boıynsha sotqa deıingi tergeý amaldary júrgizilip jatyr. Alynǵan zattaı dáleldemeler saraptamaǵa jiberildi.