Túrkistan oblysynda 66 myńnan astam adam revaktsınatsııadan ótti

TÚRKІSTAN. QazAqparat - Túrkistan oblysynda koronavırýsqa qatysty epıdemıologııalyq jaǵdaı kúnnen-kúnge kúrdelenip barady, dep habarlaıdy QazAqparat tilshisi.

15 qańtardan bastap «sary» aımaqqa ótken óńirde koronavırýsqa shaldyǵýshylar sany táýligine 100-den astam adamdy qurap otyr.

Іndet juqtyrǵandardyń arasynda 14 jasqa deıingi 100-den asa bala bar. Sondyqtan oblys emhanalarynda ekpe salý men revaktsınatsııa qarqyn ala bastady. Búgin Túrkistan qalasyndaǵy medıtsına qyzmetkerleri men sanıtar-epıdemıologtar úshinshi ret ekpe qabyldady.

Al óńirde sońǵy úsh aıda 66 129 adam revaktsınatsııadan ótti. Sala mamandary dúnıejúzinde koronavırýstyń «omıkron» shtamynyń órshýi men turaqsyz epıdemıologııalyq jaǵdaıdyń qalyptasýyna baılanysty ekpe saldyrý mańyzdy ekenin aıtýda.

«Búkil álemdi alyp jatqan epıdemııa kezinde revaktsınatsııa mindetti túrde kerek. Bul organızmdi kúsheıtý úshin, ımmýnıtetti kúsheıtý úshin, kovıd ınfektsııasyn jeńip shyǵýymyz úshin óte qajetti. Bizdiń ujymnyń jartysynan kóbi revaktsınatsııa jasatty»,- deıdi Túrkistan qalalalyq balalar aýrýhanasynyń bas dárigeri Ábdishúkir Egizbaev.