Túrkistan oblysynda 63 myńnan astam turǵyn Pfizer vaktsınasyn saldyrdy

TÚRKІSTAN. QazAqparat - Túrkistan oblysynda 63 myńnan asa adam Pfizer vaktsınasyn saldyrdy, dep habarlaıdy QazAqparat tilshisi.

Sońǵy táýlikte COVID-19 indetimen aýyrǵan 2 naýqas tirkelgen. Óńirde koronavırýsqa qarsy vaktsınatsııalaý qarqyndy júrgizilip jatyr. Jalpy oblysta pandemııa bastalǵaly KVI-diń 15764 jaǵdaıy tirkeldi. Onyń 7750-y sımptomsyz ótken. Qazir ınfektsııalyq statsıonarlarda 216 oryn bar. Onyń 142-i bos tur.

Óńirde jalpy 1 040 032 adam óz erkimen koronavırýsqa qarsy ekpe qabyldaǵan. Ekinshi komponentpen 1 025 477 adam vaktsına saldyrdy. COVID-19-ǵa qarsy vaktsınatsııalaý 150 ekpe saldyrý pýnktterinde júrgizilip jatyr. Sonymen qatar Túrkistan oblysy Pfizer vaktsınasyn ekkender sany boıynsha respýblıkada 2-orynda tur. Oblysta bul ekpeni 63 myńnan asa adam saldyrsa, 33 myńnan asa adam revaktsınatsııa aldy.