Túrkistan oblysynda 600-ge jýyq medqyzmetker koronavırýsqa qarsy egildi

TÚRKІSTAN.QazAqparat - Koronavırýstyq ınfektsııaǵa qarsy jappaı egý jumystary Túrkistan oblysynda qarqyndy júrýde, dep habarlaıdy QazAqparat óńir basshysynyń baspasóz qyzmetine silteme jasap.

Eki táýlik ishinde oblysta 572 medıtsına qyzmetkeri koronovırýs ınfektsııasyna qarsy vaktsına qabyldady. Óńirge reseılik «Spýtnık-V» vaktsınasynyń 1300 dozasy jetkizilip, barlyq aýdandarǵa taratyldy. Óńirde erikti túrde vaktsına salý kezeń-kezeńmen júrip jatyr.

Aıta keteıik, Túrkistan oblysynda koronavırýs indetine qarsy 20 ekpe egý núktesi ashylǵan. Sonymen qatar, vaktsınalarǵa arnalǵan arnaıy muzdatqysh kameralary ornatylǵan. Búginde Covid-19 qarsy vaktsına egilgen azamattardyń densaýlyǵy jaqsy. Ekpeden keıin aýrýhanaǵa túsken jaǵdaılar tirkelmegen.

1 aqpannan bastap juqpaly indetke qarsy erikti túrde ekpe salý naýqany bastaldy. Vaktsına eń aldymen ınfektsııa juqtyrý qaýpi bar medıtsına mamandaryna salynady. ıAǵnı, juqpaly aýrýlar aýrýhanalary men jansaqtaý bólimi, qarqyndy terapııa bólimsheleriniń dárigerleri, jedel járdem qyzmetkerleri men emhanalardaǵy mamandar. Ekpe qabyldaǵan azamattar úsh kún boıy dárigerdiń baqylaýynda bolady.