Túrkistan oblysynda 58 qyzmet túri boıynsha tarıf arzandady

TÚRKІSTAN. QazAqparat - Túrkistan oblysynda 48 naryq sýbektisiniń 58 qyzmet túri boıynsha tarıf tómendetildi.  Bul týraly óńirlik kommýnıkatsııalar qyzmetinde ótken brıfıngte oblystyq monopolııaǵa qarsy departament basshysy Erbolat Ybyraıhanov málimdedi, dep habarlaıdy QazAqparat tilshisi.

Erbolat Ybyraıhanovtyń sózinshe,  Elbasynyń tapsyrmasyna sáıkes, tómendetilgen tarıfter 2019 jyldyń 1 qańtarynan bastap qoldanysqa engiziledi. Nátıjesinde halyqtyń kommýnaldyq qyzmetke tóleıtin qarajaty shamamen 1,15 mlrd teńgege únemdeledi.  Sondaı-aq, oblysta elektr energııasyn tasymaldaý tarıfi jańa jyldan bastap 10,2 paıyzǵa, ıaǵnı 1 kılovat saǵatqa 7,38 teńgeden 6,64 teńge deıin túsedi.

«Tasymaldaý jáne óndirýshi stantsııalardyń tarıfiniń tómendeýi esebinen túpkilikti tarıftiń tómendeýi 6,8 paıyzdy kuraıdy. ıAǵnı halyqqa 14,48 teńgeden 13,49 teńgege deıin tómendeıdi. Sonymen qatar, 2019 jyldyń 1 qańtarynan bastap tutynýshylardyń qordalanǵan qaryzy úshin elektr energııasyn qaıta qosý tólemi 40 paıyzǵa tómendedi», - dedi Erbolat Ybyraıhanov.
 

Tabıǵı gazben qamtamasyz etý salasy boıynsha 2019 jyldyń 1 qańtarynan bastap tasymaldaý jáne kóterme baǵa túsý esebinen halyq úshin gaz tarıfi 5,8 paıyzǵa arzandap, 1 tekshe metri jeke tulǵalarǵa - 32,47 teńge, al halyqty jylýmen qamtamasyz etetin zańdy tulǵalarǵa - 28,27 teńge bolady.

Sondaı-aq, oblysta ortalyqtandyrylǵan jylýmen qamtamasyz etetin 6 memlekettik kommýnaldyq kásiporyn bar. Kómir otynyn qoldana otyryp, jylý energııasyn shyǵaratyn mekemeler tarıfin 7-24 paıyz aralyǵynda túsirip otyr. Qalǵan 2 mekeme tabıǵı gaz arqyly jylý energııasyn óndiredi. Bul - Saryaǵash jáne Tólebı aýdandaryndaǵy mekemeler. Olar tarıfin 11-15 paıyz aralyǵynda túsirmek.

Budan ózge, aýyz sý, aǵyn sý jáne sý burý qyzmetimen aınalysatyn 39 sýbekti 2019 jyldyń 1 qańtarynan bastap tarıfti 5-13 paıyz aralyǵynda arzandatady.