Túrkistan oblysynda 56 jastaǵy azamat taýdan qulap, qaıtys boldy
04:24, 06 Shilde 2023
TÚRKІSTAN. QazAqparat- Túrkistan oblysynda 56 jastaǵy azamat taýdan qulap, qaıtys boldy, dep habarlaıdy QazAqparat tilshisi.
Oqıǵa Tóle bı aýdanynda boldy. Er adam áıeli men dosyn ertip Saıram shyńyn baǵyndyrýǵa taýǵa shyqqan. Al qaıtar joldaǵy qaýipti aýmaqta 1967 jyly týǵan er adam tómen qulap ketken. Ol alǵan jaraqattarynan sol jerde qaıtys boldy.
«Aýa-raıynyń qolaısyzdyǵyna baılanysty izdeý jumystary áli júrgizilgen joq. Qazirgi tańda Qasqasý kempınginde polıtsııa departamenti, aýyl sharýashylyǵy salasy, jergilikti atqarýshy organdar men TJD qyzmetkerlerinen shtab quryldy», - delingen Túrkistan oblysy TJD baspasóz qyzmeti taratqan aqparatta.