Túrkistan oblysynda 54,2 myń jumys orny qurylǵan

TÚRKІSTAN. QazAqparat -Túrkistan oblysynda ótken jyly 102 609 adam jumyspen qamtý sharalaryna qatyssa, memlekettik jáne salalyq baǵdarlamalar aıasynda 54,2 myń jumys orny qurylǵan, dep habarlaıdy QazAqparat tilshisi.

Óńirden jańadan ashylǵan jumys oryndarynyń 20,3 myńy turaqty, 34 myńy – ýaqytsha bolǵan. Aldyn ala bekitilgen jospar 135,2 paıyzǵa oryndaldy. Oblys ákimi Ómirzaq Shókeevtiń tóraǵalyǵymen ótken apparat otyrysynda osy saladaǵy túıtkilder tarqatylyp, josparlar belgilendi. Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaevanyń aıtýynsha, ótken jyly «Eńbek» memlekettik baǵdarlamasy aıasynda 900 adam qysqa merzimdik oqýdy aıaqtap, onyń 90 paıyzy turaqty jumysqa ornalasqan. 1276 azamat 6089,9 mln teńgeniń shaǵyn nesıesin alyp, bul azamattar tarapynan 1402 jańa jumys orny ashylǵan. Túzilgen kelisimsharttarǵa sáıkes, shaǵyn nesıeleý jumystary aǵymdaǵy jyldyń naýryz aıyna deıin jalǵasatyn bolady. Jumysqa ornalasqan azamattardyń mindetti zeınetaqy jarnasy azamattardyń 83,8 paıyzyna aýdarylǵan. Bul baǵytta atqarylatyn jumystar áli de jalǵasady dep josparlanyp otyr. «Qamqorlyq« baǵdarlamasy sheńberinde ómirlik qıyn jaǵdaıǵa tap bolǵan 1036 otbasyna 308,5 mln teńgege demeýshilik jasalyp, 33 otbasy turǵyn úımen qamtamasyz etilgen. Búginde memleket basshysy Qasym-Jomart Toqaevtyń tapsyrmasymen jumys oryndaryn kóbeıtý boıynsha tıisti jumystar atqarylýda. «Jastar tájirıbesi» baǵdarlamasynyń merzimin 12 aıǵa uzartyp (qoldanystaǵy zańmen 6 aı bolǵan), jalaqysyn 91 890 teńgege jetkizý usynylyp otyr.