Túrkistan oblysynda 32 jastaǵy naýqastyń búıreginen 9 keli isik alyndy

TÚRKІSTAN. QazAqparat- Túrkistan oblysynda 32 jastaǵy naýqastyń búıreginen 9 keli isik alyndy, dep habarlaıdy QazAqparat tilshisi.

Túrkistan oblystyq klınıkalyq aýrýhanasynda 1991 jylǵy naýqasqa ota jasaldy. Shamamen tórt saǵatqa sozylǵan otanyń nátıjesinde onkohırýrg dárigerler naýqastyń búıreginen 9 keli isik aldy. Al, materıaldy gıstologııalyq tekserý isiktiń qatersiz sıpatyn kórsetti.

Onkohırýrg E.Aqberdıevtiń aıtýynsha, operatsııa sátti ótti, qazirgi ýaqytta naýqastyń ómirine qaýip tónip turǵan joq.