Túrkistan oblysynda 3 myńnan astam otbasylyq ferma qurylady

TÚRKІSTAN. QazAqparat - Qazaqstan Respýblıkasy Premer-Mınıstriniń orynbasary - Aýyl sharýashylyǵy mınıstri Ómirzaq Shókeev Túrkistan oblysyna jumys saparymen bardy, dep habarlaıdy QazAqparat vedomstvonyń baspasóz qyzmetine silteme jasap.

Jalpy AÓK-ni damytýdyń memlekettik baǵdarlamasy Memleket basshysynyń jyl saıynǵy Joldaýlarynda júktelgen strategııalyq mindetterdi, birinshi kezekte AÓK-degi eńbek ónimdiligin jáne óńdelgen aýyl sharýashylyǵy ónimderiniń eksportyn kem degende 2,5 esege ulǵaıtý mindetin iske asyrýǵa baǵyttalǵan.

Zákirlik kooperatsııa negizinde etti jáne sútti mal sharýashylyǵyn damytýdyń mańyzdylyǵy atap ótildi. Óńirlik salalyq baǵdarlamalar sheńberinde óńirde 10 jylda bordaqylaý alańdarynyń aınalasynda jalpy sútti iri qara mal basy 150 myńnan asatyn 3000 otbasylyq ferma qurylatyn bolady. Qoı basy 300 myń basqa deıin ulǵaımaq. Sonymen birge, óńirde tuqymdy jaqsartý kórsetkishteri tómen kúıinde qalyp otyr (bar-joǵy 15% mal tartylǵan). Óńirde mal sharýashylyǵyn júrgizýge arnalǵan 2 mln. ga jaıylym paıdalanylmaıdy, olardy fermerlik sharýashylyqtarǵa kredıt berýdiń qoljetimdiligin eskere otyryp, otbasylyq fermalar jelisin qurý esebinen aınalymǵa engizý qajet.



Keńes pikir almasý jáne óńirdiń taýar óndirýshileriniń mańyzdy máselelerin talqylaý formatynda jalǵasyn tapty. Jańa sýarmaly jerlerdi aınalymǵa tartýdyń ózekti máseleleri qaraldy. Túrkistan oblysy boıynsha barlyǵy 35 898 ga jańa sýarmaly jerdi paıdalanýǵa engizý josparlanýda.

Sondaı-aq, Túrkistan oblysynda iske asyrylyp jatqan ınvestıtsııalyq jobalar tanystyryldy. «Nurym» JShS basshysy Syrym Ertaev eksportqa baǵdarlanǵan 10 myń basqa arnalǵan bordaqylaý alańyn tanystyrdy. Kásiporyn jyl basynan beri 1300 tonna sıyr etin Ózbekstanǵa eksporttady.

Jumys barysynda keńeske qatysýshylar Túrkistan qalasynda salynyp jatqan túıe jáne bıe sútin óńdeıtin «Golden Camel» JShS zaýytyna bardy. Zaýyt táýligine 100 tonna túıe sútin óńdeýge qýatty jáne aǵymdaǵy jylǵa qazan aıynda paıdalanýǵa beriledi. Zaýyt ónimi túgeldeı eksportqa baǵyttalady. Joba sheteldik ınvestıtsııalar esebinen iske asyryldy. Sondaı-aq aýyl sharýashylyǵy tehnıkasyn qurastyratyn zaýyt - «Kaz Kioti» JShS-nyń aǵymdaǵy qyzmeti tanystyryldy. Kásiporyn 2015 jyly koreıalyq kompanııanyń jeke ınvestıtsııalary esebinen quryldy. Qazirgi ýaqytta zaýyt jyl saıyn 150 birlik DAEDONG markaly traktor shyǵarady.

Ómirzaq Shókeev atap ótkendeı, AÓK-ni damytýdyń memlekettik baǵdarlamasynyń negizgi baǵyttaryn túsindirý jónindegi mundaı semınar-keńester eldiń barlyq óńirlerinde ótkiziletin bolady.