Túrkistan oblysynda 3 kún buryn joǵalyp ketken qarııanyń máıiti aýyl mańynan tabyldy

TÚRKІSTAN. QazAqparat- Túrkistan oblysynda 3 kún buryn joǵalyp ketken qarııanyń máıiti aýyl mańynan tabyldy, dep habarlaıdy QazAqparat tilshisi.

77 jastaǵy qarııanyń denesin izdestirý jumystaryn júrgizgen jergilikti turǵyndar tapqan. Marqumnyń máıiti Talapty aýyldyq okrýgi, Shytty aýylynyń mańyndaǵy Arys ózeninen 500 metr jerde jatqan.

«Túrkistan oblysy TJD jáne polıtsııa departamentiniń qyzmetkerleri, kınologııalyq esep, eriktiler men týystary izdeý jumystaryn júrgizdi. Jalpy bul jumystarǵa jeke quramnan 72 qyzmetker, 3 tehnıka, 1 júzý quraly jumyldyryldy»-delingen Túrkistan oblysy TJD qoǵammen baılanys toby taratqan aqparatta.

Aıta keteıik, keshe Túrkistan oblysynda 77 jastaǵy qarııa 2 kúnnen beri izdestirilip jatqanyn jazǵan bolatynbyz.