Túrkistan oblysynda 200-ge jýyq memlekettik qyzmetshiniń orny bos tur
Jalpy óńirdegi memlekettik qyzmet salasynda 197 laýazymdy bos oryn bar. Olardyń 115-i oblystaǵy jergilikti atqarýshy organdarda bolsa, 82 aýdandyq deńgeıdegi ákimdikterde. Sondaı-aq, ótken jyly 211 adam memlekettik qyzmetpen múldem qosh aıtysqan. Júrgizilgen shuǵyl suhbattar nátıjesinde qyzmet aýystyrýshylardyń 70 paıyzy jeke sektorǵa aýysqanyn jáne memlekettik qyzmetshi jalaqysynyń tómendiginin kórsetken.
Taǵy bir aıta keterligi, Túrkistan oblysynda memlekettik qyzmette júrgen áıelderdiń de sany az. Respýblıkada bul kórsetkish 56 paıyzdy qurasa, Túrkistan oblysynda 27 paıyz ǵana.
«Memlekettik qyzmet eshqashan bir orynda turmaıdy. Árdaıym jańaryp otyrady. Bir adamdar densaýlyǵyna baılanysty ketip jatady. Zeınetke shyǵady. Solardy toltyrý kezinde mindetti túrde jastardy alý kerek. Bilikti mamandarǵa árdaıym suranys bolady. Jalpy Túrkistan oblysynda memlekettik qyzmetke kelýshiler sany az. Ótken jylmen salystyrǵanda konkýrsqa qatysýshylardyń sany artqan. Máselen 2021 jyly ótkizilgen konkýrstarda 1 orynǵa 3 adamnan kelse, 2022 jyly bul kórsetkish 4-ke kóbeıgen. Degenmen, báribir jalpy kórsetkish tómen» - dedi Órken Balajanov.