Túrkistan oblysynda 200-den astam dáriger jetispeıdi

TÚRKІSTAN. QazAqparat - Túrkistan oblysyna 200-den astam dáriger kerek. Bul týraly QR Densaýlyq saqtaý mınıstri Ajar Ǵınııat Túrkistanǵa kelgen saparynda aıtty, dep habarlaıdy QazAqparat tilshisi.

Ásirese, óńirde kardıolog, nevropatolog, reanımatolog, onkolog, okýlıst, ınfektsıonıst sekildi kadrlar tapshy.

Bul máseleni sheshý maqsatynda elimizdiń joǵary oqý oryndaryn bitirgen jastar jumysqa shaqyrtylmaq.

Máselen, ótken jyly elimizdiń óńirlerine medıtsınalyq joǵary oqý oryndarynyń 3000-ǵa jýyq túlegi jiberilgen.

Onyń ishinde Túrkistan oblysyna 180 qyzmetker kelgen. Al, aǵymdaǵy jyly 170 túlekti jiberý josparlanyp otyr.

Aýylǵa jumysqa kelgen jas mamandardy áleýmettik qoldaý sharalary da qarastyrylady.

Ótken jyly 225 maman kóterme járdemaqy alsa, 183 maman turǵyn úımen, 92 maman basqa da áleýmettik qoldaý sharalarymen qamtamasyz etilgen.

Al, Túrkistan oblysynda 25 maman kóterme járdemaqyǵy ıe bolǵan.