Túrkistan oblysynda 2 jasar bala jańbyr sýy tolǵan shuńqyrǵa túsip kóz jumdy
15:21, 26 Qazan 2022
TÚRKІSTAN. QazAqparat – Qatty jańbyrdyń saldarynan Túrkistan oblysynyń 3 aýdanynda (Qazyǵurt, Báıdibek, Saryaǵash) jeke turǵyn úıdi, 21 aýla aýmaǵyn sý basty jáne 13 iri qara mal qyryldy. Bul týraly QazAqparat TJM silteme jasap habarlaıdy.
«26 qazanda saǵat 01.00-den 6.00-ge deıin Túrkistan oblysynda úzdiksiz jaýyn-shashyn jaýdy. Qazyǵurt, Báıdibek, Saryaǵash aýdandaryndaǵy jeke turǵyn úıdi, 21 aýla aýmaǵyn sý basty jáne 13 iri qara mal qyryldy. Sonymen qatar Qazyǵurt aýylynda 2 jasar balanyń óz úıiniń aýlasynda eresekterdiń qaraýynsyz qalyp, úıdiń aýmaǵyndaǵy jańbyr sýy tolǵan shuńqyrǵa qulap, kóz jumǵany anyqtaldy», - delingen habarlamada.
TJM aýdandardaǵy tabıǵat apatyna baılanysty turǵyndarǵa eskertý jasady.