Túrkistan oblysynda 2 myńnan astam oqýshy karantınge jiberildi
Vedomstvonyń málimetinshe, óńirde 71 oqýshy sabaqqa oflaın formatta qatysyp kelgen, qalǵan 77 oqýshy oqý jyly bastalǵanǵa deıin juqtyrǵan.
«Epıdemııaǵa qarsy is-sharalar barysynda naýqastarmen baılanysta bolǵan 2 176 oqýshy, ıaǵnı 92 synyp 14 kúndik úı karantınine oqshaýlanyp, oqytý onlaın-formatqa aýystyryldy», delingen habarlamada.
«2021-2022 oqý jylynda bilim berý uıymdarynda koronavırýs ınfektsııasynyń aldyn alý týraly» QR Bas memlekettik sanıtarııa dárigeriniń №36 qaýlysyna sáıkes synypta COVID-19 aýrýy tirkelgen jaǵdaıda synyp 14 kún boıy úı karantınine oqshaýlaýlanady.
«Oblystyń 934 bilim berý uıymdarynda 100 paıyz Ashyq baǵdarlamasy engizilgen. Oblystyń sanıtarııalyq-epıdemıologııalyq baqylaý basqarmalary COVID-19 -dyń taralýyn boldyrmaýǵa baǵyttalǵan aqparattyq-túsindirý jumysyn jalǵastyrýda. Jańa oqý jyly qarsańynda Zoom platformasy arqyly mektep dırektorlary men oqý oryndarynyń medıtsına qyzmetkerleri arasynda koronavırýs ınfektsııasynyń aldyn alý jónindegi semınarlar ótkizildi», delingen habarlamada.
Bas memlekettik sanıtarııa dárigeriniń qaýlysyna sáıkes jaýapty qyzmetkerler barlyq pedagogtiń, personaldyń jáne bilim alýshynyń dene qyzýyn sensor termometrmen ólsheýi kerek, qoldyń antıseptıkpen óńdelýin baqylaýy qajet. Árbir qabatta, qoljetimdi jerde antıseptıgi bar sanıtaızer, las maskany jınaýǵa arnalǵan tańbalanǵan jáshikter ornatylýy, dozatorda sabynnyń, qol jýý erejeleri bar plakatyń bolýy, sondaı-aq bilim alýshynyń áleýmettik qashyqty qatań saqtaýy tekserilýi tıis.