Túrkistan oblysynda 1842 memlekettik qyzmetshi tártiptik jaýapqa tartyldy
19:11, 08 Aqpan 2023
TÚRKІSTAN. QazAqparat –Túrkistan oblysynda 1842 memlekettik qyzmetshi tártiptik jaýapkershilikke tartylǵan. Bul týraly QR Memlekettik qyzmet isteri agenttiginiń Túrkistan oblysy boıynsha departament basshysy Órken Balajanov málimdedi, dep habarlaıdy QazAqparat tilshisi.
Tártiptik jaýapkershilikke tartylǵan memlekettik qyzmetkerler arasynda Jetisaı aýdany kósh bastap tur. Sodan soń, Shardara aýdany men Túrkistan qalasynda da tártip buzǵan memlekettik qyzmetshiler kóp.
«Túrkistan oblysynda memlekettik qyzmetshilerdiń tártiptik jaýapkershilikke tartylý jaǵdaılary azaıyp keledi. Máselen, 2021 jyly 1915 memlekettik qyzmetshi tártiptik jaýapkershilikke tartylsa, 2022 jyly bul kórsetkish 1842 qurap otyr. Onyń ishinde Ádep kodeksiniń normalaryn buzý jaıy da birshama tómendegen. Bulda profılaktıkalyq jumystardyń kóbirek júrgizilgendiginiń nátıjesin dep bilemiz. Aldaǵy ýaqytta bul baǵyttaǵy jumystardy jalǵastyramyz», - dedi Órken Balajanov.