Túrkistan oblysynda 15 jańa mektep paıdalanýǵa berildi
Oblys aýmaǵynda jańadan salynǵan taǵy 29 bilim uıasy jyl sońyna deıin paıdalanýǵa beriledi dep kútilýde. Túrkistan oblysy boıynsha jalpy 78 jańa mekteptiń qurylysy júrgizilýde. Olardyń deni bala sany kóp, turǵyndary tyǵyz ornalasqan aýyldarda boı kóterdi.
Jańa mektepter zamanaýı robotehnıka, ІT-tehnologııalar kabınetterimen jabdyqtalǵan.
Jańadan ashylǵan bilim uıalary Saýran, Saryaǵash, Maqtaaral, Jetisaı, Báıdibek, Túlkibas aýdandary men Túrkistan qalasynyń ákimshilik – iskerlik ortalyǵynda ornalasqan. Jańa oqý jylynda Saryaǵash aýdany, Jibek joly aýyldyq okrýginde №58 Á.Marǵulan atyndaǵy orta mektepke qosymsha 300 oryndyq bilim oshaǵy jańadan paıdalanýǵa berildi. 2 gektar aýmaqta ornalasqan jańa ǵımaratta oqý ornymen qatar sportzal, ashana jáne sheberhanalar ornalasqan.
Jańa oqý jylynda óńirde 50 myńnan astam búldirshin mektep tabyldyryǵyn attady. Bir ǵana Saryaǵash aýdanynda búgin 3 myń bala alǵash ret mektepke bardy. Aýdanda 60 myńdaı oqýshy bilim alady.