Túrkistan oblysynda 14 kún buryn sýǵa batyp ketken sheteldik stýdentterdiń denesi áli tabylmady

TÚRKІSTAN. QazAqparat-Túrkistan oblysynyń qutqarýshylary Tóle bı aýdanyndaǵy Aqsý ózenine batyp ketken úndistandyq eki azamatty izdeý jumystaryn jalǵastyryp jatyr, dep habarlaıdy QazAqparat tilshisi.

Búgin eki sheteldik stýdenttiń biriniń ákesi oqıǵa ornyna keldi. Túrkistan oblysy Tótenshe jaǵdaılar departamentiniń bastyǵy Nurǵalı Júnisov izdestirý jumystarynyń barysymen tanystyryp, ármen qaraı jalǵasatynyn aıtty.

Aıta keteıik, 26 maýsym kúni saǵat 20.10-da Túrkistan oblysy TJD kezekshi-dıspetcherlik qyzmetiniń pýltine Tóle bı aýdanynyń Hanaryq aýylynan 5 shaqyrym jerde ornalasqan Aqsý shatqalyndaǵy Aqsý ózeninde 2001 jylǵy 2 stýdenttiń belgisiz jaǵdaıda sýǵa túsip, batyp ketkeni týraly aqparat túsken bolatyn. 21 stýdentten quralǵan top Shymkent qalasynan kelgen. Barlyǵy - Ońtústik Qazaqstan medıtsına akademııasynda oqıtyn Úndistan azamattary.