Túrkistan oblysynda 135 myńǵa tarta oqýshy Pfizer vaktsınasyn saldyrdy

TÚRKІSTAN. QazAqparat - Túrkistan oblysynda 135 myńǵa jýyq jasóspirim Pfizer vaktsınasyn saldyrdy, dep habarlaıdy QazAqparat tilshisi obylstyq sanıtarlyq-epıdemıologııalyq baqylaý departamentiniń baspasóz qyzmetine silteme jasap.

Oblysta 12 jastan asqan turǵyndardy koronavırýsqa qarsy vaktsınalaý jumysy jalǵasyp jatyr.

31 qańtarda Comirnaty (Pfizer) vaktsınanyń birinshi dozasyn alǵan jasóspirimder sany 134 098-ge jetti.

Bul - vaktsınatsııalanýǵa jatatyn jasóspirimderdiń 71,6 paıyzy. Al, ekinshi komponentti - 63 910 jasóspirim saldyrdy.

Oblysta júkti jáne bala emizetin áıelder arasynda vaktsınatsııa jumysy júrip jatyr.

Búgingi tańda Comirnaty (Pfizer) vaktsınasynyń І komponentin saldyrǵandar sany jalpy 150 907-ii qurady. Sonymen qatar 155 711 adam revaktsınatsııalandy.

Qazirgi ýaqytta ekpe alatyn oblys turǵyndary Spýtnık V, «Sinopharm» «Spýtnık laıt» vırýsqa qarsy vaktsınalaryn tańdaı alady.

Al, jasóspirimderge, júkti, bala emizetin áıelderge, 60 jastan asqan adamdarǵa jáne medıtsına qyzmetkerlerine arnalǵan Comirnaty (Pfizer) vaktsınasy qoljetimdi.