Túrkistan oblysynda 1 tonnaǵa jýyq qarasora tárkilendi

ASTANA. QazAqparat – «Qarasora» jedel-aldyn alý is-sharasy barysynda Túrkistan oblysynyń aýmaǵynda iri qarasora plantatsııasy anyqtaldy. Bul týraly Іshki ister mınıstrliginde ótken brıfıngide vedomstvonyń ókili Shuǵyla Turlybek málim etti, dep habarlaıdy QazAqparat tilshisi.

Shuǵyla Turlybek aıtýynsha, qarasora butalary áýeden júrgizilgen barlaý nátıjesinde anyqtalǵan.

«Saýran aýdanynyń Qyzylsharýa aýylyndaǵy Syrdarııa ózeniniń jaǵasyndaǵy toǵaılar arasynda 4 500 esirtki qarasora butasy tabyldy. Saraptama qorytyndysyna sáıkes, tárkilengen esirtkiniń salmaǵy bir tonnaǵa jýyq, ıaǵnı 974 keli boldy. Sondaı-aq, bıiktikten barlaý júrgizý barysynda Túrkistan jáne Qyzylorda oblystarynyń aýmaǵynda salmaǵy 17,5 keli bolatyn 90 qarasora butasy anyqtalyp, joıyldy», - dep toqtaldy Shuǵyla Turlybek.