Túrkistan oblysyna Germanııa men Ýkraınadan gýmanıtarlyq kómek jetkizildi
10:21, 20 Tamyz 2020
TÚRKІSTAN. QazAqparat – Túrkistan oblysyna Germanııa jáne Ýkraına elderinen gýmanıtarlyq kómek jetkizildi, dep habarlaıdy QazAqparat.
«Kómek júginde medıtsınalyq betperde, meropenem, levofloksatsın sekildi asa qajetti zattar bar. Kelip jetken dárilik zattardy Sybaılas jemqorlyqqa qarsy is-qımyl agenttiginiń Túrkistan oblysy boıynsha departament qyzmetkerleri men dárigerler qabyldap aldy. Jalpy sany 4 myńnan asatyn medıtsınalyq preparat pen qorǵanysh betperdeleri qajettiligine qaraı aýrýhanalar men emhanalarǵa taratylatyn bolady.
Aıta keteıik, sybaılas jemqorlyq faktileri oryn almas úshin, barlyq preparatqa «tegin» degen jazýy bar arnaıy mór basylady. Bul sharalar oblysymyzda koronavırýstyń taralý jaǵdaıy azaıyp, ahýal turaqtalǵansha jalǵasa bermek», - delingen oblys ákimdiginiń resmı saıtynda.