Túrkistan oblysyna 1,7 mlrd AQSh dollary kóleminde ınvestıtsııa tartylady
«Jalpy, bıyl oblysqa 163,5 mlrd. teńge ınvestıtsııa baǵyttaldy. Óńirdiń ınvestıtsııalyq-týrıstik tartymdylyǵyn arttyrý maqsatynda aǵymdaǵy jyldyń 28 qyrkúıeginde Túrkistan qalasynda 1-shi «Kóne Túrkistan - Jańa múmkindikter» atty halyqaralyq ınvestıtsııalyq jáne týrıstik forýmy ótti. Atalǵan forýmǵa 17 sheteldik jáne otandyq 500-ge jýyq kásipker qatysty. Nátıjesinde 17 kelisimge qol qoıylyp, oblys ekonomıkasyna 1,7 mlrd.AQSh dollar kóleminde ınvestıtsııa tartylatyn boldy», - dedi J.Túımebaev.
Túrkistan oblysy ákimdigi, «Kazakh Invest» Ulttyq kompanııasy jáne «Turkestan Invest» mekemeleri birlesip jalpy quny 615 mln. AQSh dollaryn quraıtyn 13 ınvestıtsııalyq jobany júzege asyrýdy qolǵa aldy. Bul jospar is júzinde oryndalsa, óńirde 3 myń jańa jumys orny ashylatyn bolady.
«Eńbek» baǵdarlamasy aıasynda 65 myń adamdy jumyspen qamtý sharalaryna qatystyrý josparlanyp, búginde naqty 58 700 adam qamtyldy. 7 953 adam kásiptik jáne tehnıkalyq oqýǵa joldanǵan.