Túrkistan oblysy turǵynynan 250 dana «tramadol» tabyldy

TÚRKІSTAN. QazAqparat – Keles aýdanynyń turǵynynan 250 dana «tramadol» dárisi tabyldy, dep habarlaıdy QazAqparat tilshisi.

Túrkistan oblysy Keles aýdanynyń 50 jastaǵy turǵyny quramynda esirtkisi bar 250 dana «Tramadol» dárisin úıinde saqtaǵan. Tártip saqshylary psıhotroptyq dárilerdi tárkilep aldy. Sondaı-aq, er adamǵa zańǵa qaıshy dúnıelerdi qoldanýǵa bolmaıtyndyǵyn, onyń densaýlyqqa qaýipti ekendigin túsindirdi.

«Atalǵan derek Keles APB tirkeýge alyndy. Polıtsııa tarapynan jınaqtalǵan is-qujattar zańdy sheshim qabyldaý úshin Densaýlyq saqtaý mınıstrliginiń Medıtsınalyq jáne farmatsevtıkalyq baqylaý komıtetiniń Túrkistan oblysy boıynsha departamentine joldandy», - delingen oblystyq polıtsııa departamentiniń baspasóz qyzmeti taratqan aqparatta.