Túrkistan oblysy turǵynyn qorqytyp, 3 mln teńge turatyn jylqysyn alyp ketken
09:46, 26 Aqpan 2023
TÚRKІSTAN. QazAqparat - Túrkistan oblysynyń turǵynyn uryp-soǵyp, qarýmen qorqytyp, 3 mıllıon teńge turatyn jylqysyn kólikterine tıep áketken, dep habarlaıdy QazAqparat polisia.kz-ke silteme jasap.
Jedel-izdestirý sharalarynyń nátıjesinde úsh turǵyn ustaldy.
Olardyń biri uıymdasqan qylmystyq toptyń qatysýshysy. Aıǵaqty zat retinde alynǵan mal zańdy ıesine qaıtaryldy.
QR Qylmystyq kodeksiniń 389-babynyń 3-bóligi «Ózinshe bılik etý» boıynsha tirkelip, sotqa deıingi tergeý amaldary júrgizilip jatyr.